Ba leit khynra ki shipai US, shah siat iap 15ngut ki ehrang ISIS ha Iraq

Khatsan ngut ki ehrang ISIS, kiba kieng bad ki tiar ialeh kiba khlain bor bha, ki la shah siat iap, ha ki shipai jong ka US bad ka Iraq, ong ka khubor.

Ha katei ka jingleit hiar thma ha ka ri shyiap ha Anbar, kaba don sha sepngi jong ka Iraq, ki don ruh 7ngut ki shipai jong ka US, kiba mynsaw. Ka Iraq, ka kam ba ki don ki nongialam ba snar jong ki ISIS, kiba la shah siat iap, ha katei ka jingleit khynra jongki, tangba kim shym la iathuh bniah satia.

Ka jingleit khynra, ka dei da ka jingsiat namding kaba na suin bad nangta, sa kaba leit talasi ruh ia ki jaka rieh jongki.
Na ka liang ka US, ka kam ba ki don 5ngut ki shipai kiba mynsaw bad sa arngut kiba mynsaw, naba ki ur ha katei ka jingbeh thong ia ki ehrang.