Ba leh donbor ki Karbi ia ki Khasi; leit ujor ka KSU sha U DC Jowai

Shillong:Ka KSU West Jaintia Hills District Unit, mynhynnin ka sngi ka la leit ban ïakynduh bad u DC jong ka West Jaintia Hills, halor ka jingshah pyndik bad ka jingbyrngem ban beh shnong ïa ki nong shong shnong jong ka Elaka Labang Nang phyllut bad Pangam Raliang ne Block-1.

Kane ka jingleit ïa kynduh jong ka KSU ïa u DC, ka long hadien ka jingmih ka khubor na ki paid nong shong shnong katei ka thain halor ka jingleh donbor ki Karbi ïa ki Khasi na ka liang ka KSU kala leit ban ia kynduh ia U DC ka West Jaintia Hills District.

Ha katei ka jing ia kynduh ia u DC, na ka liang ka Seng ka la ïoh ban pynsngew ïa ka jing shah leh donbor bad shah maham ban beh shnong ïa ki hadien ba ki nong shong shnong ka tei ka thaiñ ki la kyntait ban leit ia shim bynta ban thep vote sha West Karbi Anglong ha kane ka Election MAC kaba dang shu dep shen.
Naka liang u DC u la kular ban shimkhia bad ban leh noh kloi ia kane ka bynta khnang ba kan ym jia kano kano ka jing sngew sih.

Na ka liang ka seng ka pynpaw ïa ka jingsngewsih ban ïohi kum kine ki jingjia ïa ki paradoh para snam bad lada ki Paid Karbi ki dang bteng ban leh donbor bad pyndik ka KSU ka byrngem ban shim da kawei pat ka lynti la ka long ha kano kano ka lynti tang ban shngain ka Jaitbynriew jong ngi.