Ba lap kloi kiba haiing, lait thaw u samla uba thmu pyniap ialade

Nongpoh: Mynta ka step ha ka por 10 baje ei ei mynstep, la don uwei u samla uba dang 17 snem ka rta, u la thmu ban pynkut ia la ka jingim da kaba phasi ha u tyllai phasi hapoh ka iing lajong, hynrei donbok ba haba kum katei ka por, la wanlap noh da kiba haiing bad kaba la lah ban pyllait ia u na ka jingiap hapoh utei u tyllai phasi.

Utei u samla uba la phasi ialade, u la mynsaw jur eh na katei ka jingjia, kumta kiba haiing jong utei u samla, ki la rah noh wut wut sha Civil Hospital Nongpoh na ka bynta ban ioh ia ka jingsumar. La ong ruh ba utei u samla u la shitom jur bad u dang don hapdeng ka jingbym bad kaba la pynlong ruh ia ki bor pyniaid ka Civil Hospital Nongpoh, ba kin phah noh ia u mar mar sha Civil Hospital Shillong, na ka bynta ban ioh ia ki jingsumar kiba biang.