U Lamphang dorbar khynnah ka Assam, U Kripanath Mallah, ula hap mynta ka sngi, na jrong hati, katba u dang leit jngoh ia ka Constituency jongu ha Ratabari.
Ha katei ka jingleit jngoh jongu, U Mallah, ula hap pynban ialade na jrong hati, ha ka jingiaid paidbah, kaba la pdiang burom ia u bad ba u shong ha jrong jong u hati, ha kaba ka lah ban long lehse ba ula kmen palat ha ka jingshah jied kum u lamphang dorbar khynnah.
Katei ka dei ka jingleit kaba nyngkong eh jong U Mallah sha ka Constituency jongu, hadien ba ula shah jied kum u lamphang dorbar khynnah.
U Mallah, uba mihkhmat ia ka Ratabari constituency ha Karimganj district jong ka Barak Valley, ula jop khlem don ba ialeh pyrshah ia ka shuki lamphang dorbar khynnah jong ka iing dorbar ha Assam, ha ka 26tarik Nailur 2018.