Shillong 10 Jylliew: Ka jingshong shah thngan ka kong Bindas Syiem ka longkmie na ka Shnong Mawlong Nongtluh ka la poi mynta ka sngi Nyngkong sha ka 5 sngi ban pynbor ia ka sorkar ban maramot ia ka surok na Nongpoh Umden haduh Sonapur.
![](https://www.urupang.com/wp-content/uploads/2024/06/img_20240610_1648137200367184579316605.jpg)
Ha kane ka sngi ki doktor ki la wan biang ban eksamin ia ka koit ka khiah jong katei ka longkmie bad ha ka jingïathuh u doktor la ong ba ka koit ka khiah jong ka Kong Bindas Syiem ka dang biang hynrei ka shu ban tang ka jingtlot.
La sakhi ruh ba ia ka kong Bindas Syiem la hap ban shu btin haba leit shabar namar ka jingban ka jingtlot ha ka met jong ka.
Kum ban pynkynmaw hangne ba ka Kong Bindass Syiem ka la sdang ka jingshong shah thngan kaha khlem buh por ha Additional Secretariat ban dawa na ka sorkar ban maramot noh ia ka surok Nongpoh Umden haduh Sonapur kaba jngai kumba 58 km eiei kaba la jot rathai mynta la 15 tylli ki snem.
Phi don ban ong eiei?