Shillong: Ka Khasi Students’Union (KSU) mynta ka sngi ka la pyntip ba kan sa ai Scholarship sha ki katto katne ki samla Khasi ba kin leit pyntbit ïa lade ha ki jaka ai jinghikai (coaching centre) ba paw ka nongbah Delhi kiba don ka jingangnud ban ïakhun ïa ka Exam UPSC bad CSE bad ïa ki samla ki ban ïoh ïa kane ka jingkyrshan na ka KSU yn jied da kaba pynïakhun Eksamin shuwa hapdeng jong ki.
Ka KSU ka khot ïa kito kiba kwah ban thep kyrteng ne ban ïoh ïa ki phom halor kane ki lah ban leit ha ka official website jong ka seng kaba dei www.khasistudentsunion.com bad ka tarik ba khatduh ban thep kyrteng ne pynpoi ïa ki phom ka long ha ka ka 23 Ïaiong 2022. Shuh shuh ka KSU ka la kyntu ïa ki samla kiba kwah ban tip bniah ban kren bad ki nongïalam ba dei peit ha kine ki number 8259058642, 7005326776 ne 8794448132.
ka bha shibun ba ka KSU ka sdang ïa kane ka phang.
toa ngi ki paid ngin nang kyrshan bad kitbok ïaka KSU.