Ba kyntur ka wah Brahmaputra, shlei um ka them Garo, ong u Myntri

Shillong:U Myntri ka Sorkar ba khmih ia ka tnat Bording uba dei u MLA ka Phulbari, u Abu Taher Mondal u la ong ba kiba bun ki jaka ha ki them jong ka rilum Garo ki la shah ktah na ka jingshlei um na ka daw ba wan kyntur ka wah Brahmaputra.

Ka jingsngaid bad ka jingheh ka wah Brahmaputra ka la wanrah ruh ka jingshlei um kaba shyrkhei ha ka Jylla Assam.
U Mondal u ong ba ba kane ka jingshlei um ka la wan jia namar ka jingther jong u slap hajan baroh kawei ka thaiñ North East, kaba la pynlong ia ka um ban taplep shaduh ki bynta jong ka Garo Hills. U la pyntip ba ki jaka ba la shah ktah bha ki dei ia ka Tikrikilla, Phulbari, Rajabala bad Selsela.

Na ka liang u Myntri u la iathuh ba ka Sorkar ka lah btah ia ki bor pyniaid district ba kin long kiba pynkhreh bad ban phah ka jingïarap kaba kloi sha ki nongshong shnong kiba la shah ktah na ka jingshlei um.