Ba kynthoh shimet, kren u Lamphang

Shillong,13 Jylliew:
Ba jur palat ka jingia kynthoh shimet ha pdeng ki nongmihkhmat ha Ing Dorbar Thaw-ain ka jylla ka la pynlong ia u Lam phang ka Ing Dorbar u Abu Taher Mondal ban kren bad ban pyni ba baroh ki nongmihkhmat, la ka dei na ka liang synshar ne na ka liang pyrshah ki dei ban kren bad iaid katkum ka ain jong ka Ing dorbar bad ki dei ban kiar na ka jingiakynthoh shimet.
Ha ing dorbar ka la don ka jingiather tyngeh hapdeng ki liang synshar bad ki liang pyrshah halor kiba bun ki mat ia kren, bad katei ka jingiather ka la poi ruh sha u pud ba la mih sa ki jingiakynthoh shimet, bad dei halor katei ka daw ba u Lamphang u la kren ba baroh ki nongkren kiba ia shim bynta ha ka Dorbar kim dei ban kren ia ka jinglong shimet hynrei ban kren ia ka mat katkum ki kyndon jong ka ing dorbar.