Ba kynrum kynram, sangeh siew bai kit ka sorkar India:BJP

Shillong, 14 ’lyngkot:
Ka sorkar pdeng ka la pynsahngeh noh ia ka jingai jingiarap ha ka kit ka bah ia ki jylla shtei lammihngi ka ri India, namar ba don ki jingduna ha ki rukom pyndonkam ia ka pisa.
Haba iakren bad u President ka BJP u bah Khlursing Lyngdoh, u la ong ba kane ka jingpyn duh ka sorkar pdeng ban ai jingiarap ha ka bai kit bai bah ka lah ban dei namar ba ka lap ia ka jingduna ki kynrum kyn ram ha ka rukom treikam.
Dang shen ka sorkar pdeng ka la rai ban pynsahngeh noh ban ai jingiarap khamtam ha ka liang ka kit ka bah lyngba ka North East Investment and Industrial Promotion Policy (NEIIPP).
Na ka liang u President ka BJP, u la ong ba kane ka jingai jingiarap ka sorkar pdeng ka la pyn sahngeh shwa shipor bad hadien ba ladep pynbeit ia kine ki kynrum kynram ka lah ban bteng biang ia ka jingiarap.
“Kane ka jingpyn sahngeh ai jingiarap ka long namar ba ka sorkar pdeng ka kwah ban pyn beit bha ia ka rukom treikam”, la ong u President ka BJP.
Halor kane u MP ka Shillong u bah Vincent Pala u la pynpaw ia ka jingpyrshah namar ba ki jylla kane ka thain kin ktah jur lada ki pynduh noh ia ka jingai jingiarap.
U bah Pala u la ong ba ha kine ki saw snem ka jylla Meghalaya ka ioh T.435.30 klur kum ka jingiarap na bynta ka bai kit bai bah bad T.220.79 klur la ioh na ka NEIIP.
Baroh ki phra tylli ki jylla ka thain lammihngi ki ioh T.1251.96 klur naduh u 2011 haduh u 2014 ha kaba tang ka Meghalaya ka ioh T.656.09 klur.
Ka NEIPP la sdang naduh u 2007 ban kyntiew ia ki karkhana ha kane ka thain lammihngi hynrei ia ka sorkar NDA ka la pynsahngeh ban ai ia ka jingiarap.