Ba kwah leit iing palat, rieh 18 ngut ki nongbylla, ha ka mashin khleh dewbilat

Indore: Ki nongbylla, kiba kwah leit iing palat, ki hap ban rung ha ka mashin khleh dewbilat ha Madhya Pradesh, namar ba ki kwah leit iing palat.

Katei ka jingjia, ka jia mynta ka sngi, ha kaba la lap da ki pulit jong ka nongbah Indore jong ka Madhya Pradesh, ha kaba 18 ngut ki nongtrei, ki ia rung ialade ha katei ka mashin khleh dewbilat, kaba don ha kawei ka kali.

Katei ka trok, kaba don bad katei ka mashin, ka dei kaba iaid na Maharashtra ban leit sha Lucknow.

Ki pulit ki la pynlong ka jing talasi ia katei ka trok, hynrei ki leit lap pynban ia 18ngut ki nongbylla kiba rieh hangtei hapoh. La iathuh ba katei ka jingjia, ka dei ha ka shnong Panth Piplai, kaba don kumba 35 Km na Indore bad la iathuh ba kitei ki dei ki nong bylla, kiba mih na Maharashtra ban leit sha Uttar Pradesh.