Ba kwah EVM u myntri DCA, suba sniew ka UDP

Shillong,2 Nailar:
Ka jingkwah eh jong u myntri ka tnat District Council, ban pyndonkam da ki mashin EVM, ka pynlong ia ka seng UDP Shillong City, ba kan pyrkhat sniew bha, ia ka jinglong kitei ki mashin, ha ka elekshon MLA ba dang shu dep.
Ka UDP, ka pyn sngew, ba halor katei ka mat ka la dep ujor sha U Chief Election Commissioner ka India, ha kaba la dep ban ia kren ha ka Ing Dorbar ka KHADC na ka por sha ka por, kala ong ba ka jingweng ia ka jingpyndonkam iaka EVM ka dei kaba la mynjur bad kaba la sngewiahap da baroh ki seng sain pyrthei jong ka Thain shatei Lam Mihngi ha ka jingialang jong ka Parliamentary Standing Committee ba la pyniaid da u Shri. Shantaram Naik, MP.
Ka UDP kala ban jur ba ka kwah ban pyndonkam noh da ki rukom thep vote kiba rim kumba la pyndonkam ha ki por mynshuwa.
Shuh shuh ka seng kala kynnoh ba ka jingpyndonkam iaka EVM ka la mih bun ki jingartatien ha kane ka elekshon kaba la dep kumta ha kane ka MDC elekshon dei ban pyndonkam noh da ka rukom thep vote kaba rim kata da ka Ballot paper, kaba ka seng ka la dep ban phah ruh ka jingkyrpad jong ka sha u Chief Election Commissioner, Election Commission of India.