Nongpoh: Kawei ka iing hapoh ka shnong Umran Dairy ha Ri Bhoi, ka la laitthaw da ka said na ka jingshah bamduh ha ka ding, hadien ba la lap ban iohi noh da ki khun samla bad ki paidbah, kiba la leit iarap ban tem ia katei ka ding kaba la klang bad kaba la thmu ban bamduh khoit ia katei ka iing.
La ioh jingtip ba katei ka jingjia, ka dei kaba la jia hynnin ka janmiet ha ka por 6:30 baje ei ei janmiet, ha kaba katei ka iing kaba dei ka iing jong ka Kong Probina Lyngdoh Kynshi bad u Bah Nestorlan Thongni, ka la kem ding kynsan na kawei ka kamra hapoh katei ka iing bad kaba la thmu ban bamduh ia ka iing hi baroh kawei.
Donbok ha katei ka jingjia, ym shem la don kino kino ki jingjia kiba sngewsih bad kiba wanrah ia ka jingjulor kaba jur, lait noh tang ka jingjulor ha kawei ka kamra kaba don ha katei ka iing, namar ka jinglong kloi ki khun samla bad ki paidbah jong katei ka shnong, kiba la mareh wut wut sha katei ka iing ban pynlip ia katei ka ding kaba la sdang ban klang bad bamduh ia katei ka iing.
Phi don ban ong eiei?