Ba klet pynlip ia u mombati, kem ding ka iing ha Nongagang

Nongpoh:Ha ka jingjia pluhiing kaba la jia hynnin ka miet ha ka por 10 baje ei ei ha shnong Nongagang, Marngar, Ri Bhoi, kawei ka iing kaba dei ka jong u Bah O. Binong, uba dei ruh u Rangbah shnong, ka la kemding kynsan bad kaba la pynlong ia katei ka iing ba kan julor hi khait.

U trai jong katei ka iing, u la ong ba ka daw kaba la pynlong ia katei ka jingpluh, ka dei namar ba ki klet ban pynlip ia u Mombati, namar ha kaba kum katei ka por ka dang dei ka por lip bording bad kiba dang donkam ban treikam, kumta ki la hap ban pynmeh da u Mombati.

Shuh shuh, u la ong ruh ba ha ka por, ba ki mih na la iing ban leit pynshngain ha iingiap ki para marjan, ki la klet ban pynlip ia u Mombati bad kiba la iohi ba ka iing ka la pluh, tad haduh ba ka ding ka la klang ia katei ka iing, hynrei shu donbok ba ha katei ka jingjia ym shym la don ki jingjia sngewsih, namar ia ka ding la lah ban tem noh khyndiat, da ka jingiarap ki paidbah jong katei ka shnong.

Utei u rangbah, u la iathuh ba na katei ka jingpluh, ka la pynduhnoh eh ia ka iing bad ka jinglut jingsep, ka la kot sha ka T. 5 lak eiei, namar baroh ki tiar iing tiar sem, kiba kynthup ia u Kba, ki tiar thir ksai, ki kot ki sla lem bad kiwei de ki tiar donkam.