Ba kiew eh ka bai light, tyrwa u aktor ban die ia u khyllai la jong

U aktor jong ka bollywood, U Arshad Warsi, ula mih paidbah ha social media, ban ujor halor ka jingkiew ka bai ding ilektrik ha iing jongu.

U Arshad, ha ka tweet jongu, u pyni, ba ka bai thang ding jongu, ka long T.1,03,564, ha kaba la ot na ka account jongu, ha ka 5tarik Naitung 2020.

Ym tang katta, u thoh shuh “Paidbah sngewbha thied noh ia ki jingdro jongnga, ba ngan siew ia ka bai thang ding, nangta sa ki khyllai jongnga, ba ngan siew sa ka bill, ka ban dang wan” ong U Arshad.

Kham hadien jong katei ka tweet, U Arshad, u thoh biang ba ula ioh jingshai na ka company bad ba ula ia pynbeit ia katei ka kam.