Ba khapngiah kali, na ka daw jong ka Durand Cup, yn ioh shuti ki skul ha ka 2tarik Nailar

Shillong: Na ka daw jong ka jingpynlong ia ka jingialehkai Durand Cup, ha ka 2tarik Nailar 2024 ha JNS Complex, Polo, Shillong bad na ka jingma ba kan don ka jingdheng kali kaba jur, kumta U Swapnil Tembe, Director of School Education and Literacy, ula pynbna ba baroh ki skul kiba hap hapoh Shillong Municipal Board, kin khang ha ka 2tarik Nailar 2024, na ka bynta ban lait kano kano ka jingeh ia ki khynnah kiba leit skul, ha katei ka sngi.

Katei ka rai jong ka tnat pyniaid skul, ka long ruh, katba kum ka shithi, ba ka la iohpdiang na ka tnat ialehkai jong ka sorkar jylla, kaba ha ka 29tarik Naitung 2024 bad kaba pyntip, halor katei ka jingpynlong ia ka jngialehkai phutbol Durand Cup.