Ba khang U Ranbir, ia ka Alia, ba kan tah lipstick, khie bitar puk, kiba bun ki kynthei

Mumbai:Ka Alia Bhatt, ka la dap mynta 30 snem ka rta bad ha ka jingrakhe ia katei ka jingdap 30 snem, ka la iathuh ia kito kiba ieid ia ka, ba kumno ka ju pyndonkam ia kaba tah jingtah rymmiang shyntur lane lipstick.

Ha kajuh ka por, ka iathuh ruh, ba wat la ka ju sngewtynnad ban tah rymmiang shyntur, hynrei, ka don pat kawei ka jingeh bad kata ka long, bad kata ka long ba naduh ba ka ialang samla bad U Ranbir Kapoor bad wat haduh ha kine ki sngi, ba ki la ia shong, ka ju shah pynbor, ha U Ranbir, ba kan niad noh ia ki jingtah shyntur jongka, halor ka daw, ba U Ranbir, u kham itynnad ia ka shyntur jongka, ka bym don jingtah eiei.
Kane ka jingthoh jongka, ka la pynbitar ia kiba bun ki kynthei, kiba la mai bad tim tyngeh ia U Ranbir, ba u leit khang ia ka lok jongu, ba kan tah shyntur.

Ka Alia, ka iathuh “Naduh ba ngi dang ialang, haba ngi ia leit kai mynmiet, u shait ong niad noh, kito ki lipstick, namar ba u itynnad ia ka rymmiang shyntur, kaba khlem don jingtah eiei ruh em”.
Bun ki kynthei, kiba la khie bitar ia katei ka jingleh jong U Ranbir Kapoor bad ki la ai jingmut ruh, ia ka Alia, ba kan krad noh, na ka jingiadei bad u tnga jongka.