Ba khang ka Assam, ia ki trok kit marbam, byrngem ka Mizoram ban thied na bar ri

Aizawl: Hadien jong katei ka jing ia kynad hapdeng ka Assam bad ka Mizoram, ki nongshong shnong ka Assam, ki la khang ia ka surok bah ban leit sha Mizoram, ha kaba da ki spah tylli ki trok, ki sahkut ha katei ka surok bah. Na ka liang ka Mizoram, ka byrthen, ba kan thied mar bam, na ki ri ba marjan, lada jia ba ka Assam, kam pyllait ia ki trok kit mar, ba kin rung sha Assam.

Ha kawei pat ka khubor, la iathuh ba U Satyendra Garg, Joint Secretary, ka tnat kam poh iing, ba peit ia ka thain shatei lam mihngi, ula ia kynduh mynta ka sngi, ia U Zoramthanga, myntri rangbah ka Mizoram ha Aizawl.
Ha katei ka jing iakren, U Garg, u iathuh ba ka jing iakren hynnin ka sngi, hapdeng U Secretary kam poh iing ka Mizoram bad ka Assam, ka la wan ka jing ia sngewthuh jingmut bad u khmih lynti, ba ka suk ka sain, kan sa wan noh shen hapdeng ki ar tylli ki Jylla bad ula kren ruh ia ka mat kaba kham iar, halor ka jing iadei ia u pud u sam hapdeng kitei ki ar Jylla.