“Ba khang dewiong” ring sdot ki karkhana maw it ha Bangladesh

Shillong, 12 ‘lyngkot:
Ki karkhana shna maw it ha Bangladesh ki la ringsdot ha kine ki sngi namar ka jingkhang dew iong ha Meghalaya.
“Ki karkhana shna maw it ha ka ri jong ngi ki la shah ktah jur na ka jingkhang tih dewiong ha Meghalaya. Kumba 60 percent ki karkhana shna maw it ha ka ri jong ngi ki la shah ktah na ka jing khang tih dewiong na kane ka jylla”, la ong u Deputy Commissioner ka Kurigram na Bangladesh U ABM Azad ha kane ka sngi nyngkong ha Shil long.
U la ong ba lada ka jingkhang tih dewiong kan bteng ha kane ka jylla, bun ki karkhana shna maw it kin hap khang khyrdep.
“Ngi la iakren ha ka jingialang kumno ban weng noh ia kane ka jingeh bad la kyrpad ia ka sorkar India ba kan pyn kham jynsur khnang ba ki karkhana maw it kin lah ban thied dewiong na India lyngba ki khappud ka Meghalaya”, la ong u Azad.