Ba jur palat u slap, bhek hap ka khyndew kat u lum bah ha surok Umkiang, sahkut ka leit ka wan

Shillong 16 Jylliew: Mynta ka sngi ka surok hakhmat ka shnong Umkiang ka ba hap hapoh ka East Jaiñtia Hills District,Ka la sahkut hadien ba ka khyndew ka ba la twa, ka la hap kat u lum bah ha katei ka surok.

Kane ka jingtwa jong katei ka khyndew kadei ka ba la jia ha kapor kumba 5 baje mynstep eiei, na ka jingther palat u slap ha kine ki khyndiat sngi ba la dep.

Ka leit kawan jong ki kali mynta ka step ka la sahkut lut ha shilynter katei  surok bah naduh ka por 5 baje bad ka ba la lait pat haduh kapor 11 baje.

Ka jingpynkhuid ia katei ka khyndew ba la twa hapdeng surok ka la shimpor da ki kynta, ha ka ba ki puh shilum ki dang durut ban pynkhuid ia katei ka jaka ba la twa ka khyndew. La ioh jingtip,ba ha kane ka jingtwa ka khyndew ym shem la don mano mano ba mynsaw .