Ba jur ka shah thok pisa na ka mobile, maham ka Aircel ia ki paidbah

Shillong,4 Jyllliew:
Bun ngut na ki paidbah ki la ngat ha ki jingshah thok pisa da ki bun hajar tyngka namar ka jingkyndeh mynsiem jong ki namar ki khusnam ba ki la ioh ha ki jingthoh, jong ki mobile jong ki kaba la ju thong ba ki la jop ia kane ka tai ka jingialehkai bad ka khalai nusib kaba lai phew jait.
La ju iohi ruh ba ha kitei ki jingthoh, ki ju poi ba ka khusnam ka long da ki klur bad da ki dollar, bad la bthah ia ki ba kin phone sha kito ki nombar ba la dep batai ha ka jingthoh jong ki. Hynrei kaei kaba ngi ju lap ka long ba nalor ba la pynlut ia ki bill phone ban ia kren kaba ju bam da ki khad hynniew- khad phra tyngka shi minit la bthah ia ki nongioh ia ka message ba lada ki kwah ban kam ia ka jingjop jong ki ki dei ban phah pisa kumba la batai ha ki. Ha kane ka rukom bun ngut ki samla kiba la ngat da ka jngkyrmen ba hadien ba la ioh ia kane kin sa long kiba riew spah bad halor kane, uwei u samla u la thep pisa haduh T.27 hajar tyngka ha kine ki snem ba la dep, hynrei ynda la dep thep ia kata ka pisa kita ki nongkren phone ki dang iai dawa shi dawa pisa ha kaba ynda u la sngewthuh ba u la shah thok um don lad shuh da kumwei pat hynrei u la pyrshang ban leit ujor sha ki bor pulit hynrei na ka liang jong ki ruh kim lah ban leh eiei.
Kumta hadien ba la iohi ia kiba bun kiba kum kitei ki jingjia ka Aircel ka la maham ia ki paidbah ba kim dei ban ngeit biej ia kiba kum kitei ki jait message ne ki phone kiba poi ha ki mobile jong ki bad kiba ju iathuh ruh shaphang kita ki khusnam. Ka Aircel ka la maham ia ki paidbah ba ki dei ban husiar na kiba kum kine bad kim dei hi ruh ban ngeit lait noh lada ki ioh ia ki phone bad ki message na ki nombar kiba sdang da +91. Ka la maham ruh ba ym dei ban ngeit ia ki nombar bas dang da ki 00423,+375/+423 kiba dei tang ki nombar kiba shu pynbiej.