Ba jur ka jingtlot poi hospital i kong Bindas,khlem sumar bad wan peit ki doktor

Shillong 12 Jylliew: Ka kong Bindas syiem ka ba la iakhih da ka ba shong shah thngan ha parking lot secretariat ban dawa maaramot noh ia ka surok Nongpoh umden sonapur ka ba la jot rathai, ka la poi hospital naduh ka hynnin ka sngi ha Civil Hospital Nongpoh namar ka jingban ka jingtlot  ha kamet.

Kum ban shipynkynmaw hangne ba ka kong Bindas Syiem ka la shong shah thngan marwei ha additional secretariat naduh ma 6 tarik jylliew bad ka ba la weng noh na la jingialhih hynin ka sngi halor ka jingpyngsngap naklaing ka sorkar ban pyntrei noh ia katei ka surok Nongpoh umden.

Katei ka longkmie kaba don ruh 3 ngut ki khun ka ba don ha ka jingtlot kamet ka ba dang shah sumar mynta ha civil Hospital Nongpoh.

Haka jingiakren bad ki lad pathai khubor ka kong Bindas Syiem, ka la iathuh, ba ki doktor ha katei ka ja ka ai jingsumar kim shem la wan peit ne sumar ia i naduh hynin ka miet ha kapor ba i sngewtlot palat kamet, walta ki la pyrshang ban leit khot ia ki doktor hynrei ki pyntip ba ki la ia thiah lut baroh.