Ba jot rathai ka Jowai Byepass, leit jurip ka KSU

Shillong:Ka KSU West Jaintia hills District Unit, ka pynrem jur ia ka sorkar jylla, halor ka jingieh lyngkrang ia ka surok Jowai Bye pass, kaba la sniew shaba palat.

U samla Le ningrad Tariang, Ge neral Secretary jong ka seng lem bad u samla Phrangki Papang, Finance Secretary, lem bad ki dkhot, ki la leit jurip ia katei ka surok, ha kaba ki la iathuh ba ki nongniah kali, ba kynthup ia ki draibar trok bad ki nongniah kali rit, ki la ujor ia ka jingsniew palat liam jong katei ka surok bad la iathuh ba lyngba ka jingsniew ka surok, ki kali kiba bun, ki la hap iaid mynta lyngba ka sor Jowai bad kaba long ka daw, jong ka jingdheng kali, kaba jubor bha.

Ka seng, ka dawa ia ka sorkar jylla, ba kan shna noh mardor, katba kam pat don ka jingjia ba sngewsih bad ka seng, ka maham ruh ia ka sorkar, ba kan iaid da kiwei pat ki lynti, lada ka sorkar jylla, kam maramot noh mardor ia katei ka surok.