Ba isyier ka surok, leit jurip ki sengbhalang bad U EE PWD

Shillong: Mynhynnin ka sngi, ka Jaintia National Council – Jalaphet Unit, hapoh ka Jingialam u Vice President, bah Phrangsngi Chyrmang, ryngkat ka jingiasynran lang ki nongialam ka CEC ka la leit hiar sha kawei ka jaka ba hap hapoh ka Elaka Sutnga, hajan jingkieng Syrbang, ha kaba iadei bad ka jing ima jong ka synrang ba don ki maw ba heh baheh ba lah ban hap ha kano kano ka por bad kaba buh jingma ruh khamtam iaki nongleit nongwan.

Kum ban shu pynkynmaw ba ha kine ki sngi ba lah dep, ka seng ka la dep buh ruh ka jingkyrpad ia ka ophis PWD Khliehriat ban leit jngoh, ia katei ka jaka khnang ban wad ki lad ki lynti ban pynkhuid noh ia katei ka jaka ban lait na ka jingsngewsih iano re iano. Ha kane ka jingleit, na ka liang u EE PWD, Bah M Kharnaior, ula kular ban shimkhia ia kane ka kam kat kaba lah shwa bad hadien nangta yn phah ruh iaki nongtrei ban leh ia kaba donkam na ka bynta ka bha ka miat jong u paidbah.

Ka seng ka ai khublei ruh ia ka jingshimkhia jong u EE PWD bad ki waheh shnong na Sutnga bad Jalaphet ba ki kloi ban shimkhia, khamtam kum kine ki ishu, ba lah ban wanlam sha ka jingsngewsih.