Hynnin ka sngi, ka jingialehkai jong ka Serie A, la hap ban pynsangeh noh shwa, na ka daw ba ki don ki nongialehkai jong ka Napoli, kiba ioh jingpang corona virus.
Ka jingialehkai, ka dei ban long hapdeng ka Juventus pyrshah ia ka Napoli.
Ka Juventus, ka la poi ha ka por kaba biang ha ka madan ialehkai ha Allianz stadium ha Turin bad ki la hiar bad ki nongialehkai ha madan, hynrei ki nongialehkai ka Napoli, ki khlem mih satia na ka jaka jongki ha Naples.
Hadien ka jingap kaba 45 minit, la pynkut noh ia ka jingialehkai, hynrei la sngewthuh ba ka jingjop ka leit sha ka Juventus, ha kaba yn ai 3-0 ia ki point ha katei ka sngi.
Ha ka sngi U Blei ba ladep, ka Napoli, ka la ia kynduh bad ka Genoa; ha kaba ha katei ka sngi, ki 17 ngut ki nongialehkai jongka, ki la ioh ia katei ka jingpang khlam corona virus.
Ka Serie A, ka la rai ba nangne shakhmat, kan pyniaid beit ia ki jingialehkai, lada ki don 13ngut ki nongialehkai, kiba lait na ka jingpang bad kiba lah ban ialehkai, katba kito ki bym don ia ki nongialehkai, kin long kiba la rai ban shah rem. La ong pat ba lada ki don haduh 10 ngut ki nongialehkai kiba ioh pang, ha ka shi taiew, kano kano ka team, ka don hok ban pan por ban buhteng shwa ia ka jingialehkai.
Phi don ban ong eiei?