Shillong:Ka Hynñiewtrep Youth Development Council (HYDC) da ka jingsngewkhia halor ka kyrduh kam kyrduh jam ki samla, ka la dawa ïa ka District Council ba kan bhah kam da 70% ïa ki Khasi ha ki jaitkam bapher bapher kiba hap hapoh ka 6th schedule bad ban bud ryntih ban siew bainong lyngba ka minimum Wage jong ka sorkar Jylla kaba la pynmih ha u snem 2024.
Halor kane na ka liang ka seng hapoh ka jingïalam u Bah W. Sohtun uba dei u President, ki la leit ban ïakynduh ïa u Chief Executive Member ka Khasi Hills Autonomous District Council u Bah Shemborlang Rynjah bad aiti da ka dorkhas halor kitei ki mat jingdawa.
Haba kren sha ki nongthoh khubor, u Bah Sohtun u la ïaroh ïa ka rai jong ka EC ba mynta ban ym ai trading licence shuh kumta ka seng ka kyntu ïa ka EC lyngba u CEM ba haba la dei ka por ban pynthymnai, ka District Council kadei ban bhah 70% sha ki trai ri trai muluk bad ban pyntreikam ïa ka minimum Wage jong ka sorkar Jylla.
U la ïathuh ba na ka liang u CEM u la kular ban shimkhia da kaba rah sha ka EC ban peitbniah bin pa bin halor kane ka jingdawa.
Ha ki Petrol Pump 90% ki dei ki nongtrei bar jylla hynrei ki trai pat ki dei ki Khasi bad don tang ar tylli ki petrol pump ba dei beit ki Khasi naduh ki trai, Manager bad ki nongtrei. Hynrei haba ka seng ka la kylli na kibadei trai da ki Khasi hynrei ki buh manager da ki bar jylla bad ka jingsiew ruh ka ïapher ha kaba ki Khasi ki don kiba ïoh 5 hajar ha ka shi bnai.
নাই