Ba ieng ki speed breaker, ai khublei ka FKJGP ia ka PWD

Shillong:Ka Seng FKJGP War Jaintia Circle, ka la pynpaw ia ka jingsngewnguh kaba khraw ia ka jingshimkhia ka tnat PWD (Roads) Jowai Central Division, ba hadien ka jingkyrpad jong ki bor shnong ia ka seng, ba donkam ban dawa ban buh Speed Breaker ha u surok NH 40E ha Lad Japlem bad ha Amlatdoh Amlarem, kumta khlem pynslem dang ha kine ki khyndiat bnai ba la dep ka seng ka la leit kynduh markhmat bad ai da ka dorkhas ha u Executive Engineer PWD Roads Jowai Central Division, kumta mar mar khlem pynslem na ka liang ka tnat ka la shimkhia mardor ban leh ia kaba donkam. Ha ka 4 tarik Nailur 2023 na ka liang ka tnat PWD ka la dep ban pyndait ia kine ki Speed Breaker ha baroh ar jaka.

Kum ban pynshu kynmaw kine ki dei ki jaka kiba ma ka leit ka wan, naba ym don speed breaker na ka jingpynher sted ia ki kali kaba buh jingma ia ki nongshong shnong khamtam ki khynnah skul. Ka seng ka ai khublei kyrpang eh ia u E.E PWD (Roads)Jowai Central Division u Ma M.Tang SDO Ma H.Pakynteiñ bad u J.E. Ma S.Challam, ong ka kyrwoh ba la pyllait da u President FKJGP War Jaintia Circle, Bah B Mukhim bad u General Secretary, Bah KM Khonglah.