Ba iakhih ka KSU, jari 144 ha Bhoi

Shillong, 29 ‘lyngkot:
Ka Deputy Commissioner ka Ri Bhoi District ka Poja Panday ka la pynjari da ka kyndon 144 CrPC da kaba mana ia ka jingialum palat san ngut ki briew ha khmat ka ophis DC ha Ri Bhoi District, Nongpoh.
Ka DC ka la pynjari ia kane ka kyndon hadien ba ka KSU North Khasi Hills Ri-Bhoi ka la pynbna ba kan pynlong ia ka jingshong kyllain myngor ban pynpaw pyrshah ia ka jingshah banbein ki Khasi ha shnong Umsder (Block II) kiba sah ha khappud bad ka Assam. Ka KSU ka la pynbna ba kan pynlong ia katei ka jingshong kyllain ha ka 31 tarik Kyllalyngkot kum ka dak ban pynpaw pyrshah ia kane ka jingshah lehbein ki Khasi ha katei ka thain.
Ha kane ka hukum, ka DC ka la mana ban rah ia kino kino ki tiar kiba lah ban pynmynsaw bad ban pynduh ia kino kino ki mar ki mata. La mana ruh ban pynwit ia ka iaid ka ieng bad ka trei ka ktah jong ki paidbah, ki kali.
4. Shri Pon Radhakrishnan, Minister of State for Road Transport, Highway and Shipping briefing the media person during a press conference held today at Convention hall.