Aizawl: U Lal Thanhawla, myntri rangbah ka Mizoram, um shym la lah satia ban thep kyrteng mynta ka sngi ha Serchhip, na ka daw ba ki don ki nong ia khih, kiba ker kut ia ka ophis jong U Returning Officer, na ka daw ba ki kwah ban weng noh ia U Chief electoral officer (CEO).
U Chauhnuna, Additional Deputy Commissioner, u iathuh ha ka PTI, ba u myntri rangbah, u don jingthmu ban thep kyrteng hynnin ka sngi, ha katei ka jaka kaba ula heh ula san, hynrei ula hap ban sangeh noh, namar ba ka jinglong ka suk ka sain, kam long satia kaba bha.
Ki don shibun ki sengbhalang, kiba dawa ban weng noh ia U SB Shashank, CEO jong katei ka Jylla, ha kaba la kynnoh ba u leh shiliang ha kaba pynrung kyrteng thep vote ia ki Bru bad kumjuh ban weng noh ia U Lalnunmawia Chuaung, uba dei U Principal Secretary (Home) jong ka sorkar Jylla.
U myntri rangbah, ula mih noh na Serchhip ban leit sha Champhai, kaba dei sa kawei pat ka Constituency, kaba u ialeh ha kane ka kynti.
Ka jingthep kyrteng ba khadduh, kan long ha ka 9tarik Naiwieng 2018, sha katei ka dorbar, kaba don 40ngut ki dkhot bad ka jingthep vote, kan long ha ka 28tarik Naiwieng 2018.