Shillong: Namar ka jingiakhaid bad ka Jharkand mar 2-2 kol, ka la pynlong ia ka Meghalaya ban duh rung sha ka semi phainal jong ka lumpung B C ROY Trophy Junior Nationals 2018 kaba long ha Odisha myn hynnin ka sngi.
Kawei pat ka daw kaba khang lad ia ka Meghalaya ban ioh rung ka dei namar ba ka West Bengal ka la pynliem i aka Delhi da 1-0 kol. Jin lada iakhaid ne shah rem, ka la pynlong ia ka Meghalaya ban ioh rung.
Ha ka jingiakhun bad ka Jharkand ka long kaba iakhaid bha hapdeng jongki naduh bas dang haduh ban wai.
Tang hapoh 5 minit, ka Meghalaya la shah thep bad kane ka la pynkyndit thiah ia ki nongialehkai ka Meghalaya, haduh ba u Dajiedlang Wanshnong ula ioh ban thep ha ka 26 minit bad ka kyllastep ka la iakhaid mar kawei.
Ha ka kyllamiet pat, kine baroh ar liang, ki la ioh biang ban iathep mar kawei kaba kut noh ha ka jingiakhaid. Haba sdang ka kyllamiet, ka Jharkand ka la sdang biang ban thep lyngba ka kynjat beit hynrei ka Meghalaya ka la iakhun kham bha bad ka la lah ban pynphai biang lyngba u Badonlang Rapsang ha ka 88 minit.
Lyngba kane ka jingiakhaid ka Meghalaya ka don ha ka kyrdan ba 9 da kaba kamai 16 point.