Ba ia kynduh ia U bah Hek, sangeh iakhih ki doktor ka NEIGHRIMS

Shillong: Ki doktor jong ka NEIGHRIMS, kiba don ha ka lama jong ka NEIGRIHMS Resident Doctors’ Association (NRDA), ki la weng noh ia ka jingiakhih jongki hynnin ka janmiet, hadien ba ki la ia kynduh ia u Bah AL Hek, myntri ka koit ka khiah jong ka sorkar Jylla, hadien ba u myntri, ula pynthikna ba un peit ia ka jingeh kaba ki ia kynduh.

Ia katei ka jingiakhih la pynlong da ki doktor ha ka lama jong ka NRDA, kiba la iakhih ha ka 4tarik Iaiong 2019 bad ka daw, ka long ba ki sngew pyrshah halor ka jingleh thombor jong U Dr DM Thappa, uba dei U Director jong katei ka Institute.

Na ka liang jong U President ka NRDA, U Dr Synrang Warjri, ula pyntip ba la weng ia katei ka jingiakhih bad ha kajuh ka por, kin pynlong ia ka jingialang jongki, mynta ka sngi, na ka bynta ban iakren ia kaei kaba kin sa leh nangne shakhmat.