Nongpoh: Ka Metiap jong iwei I khunlung ba dang shu kha bad iba la shem jingeh ban iohtep ha u Lumjingtep ka Balang Presbyterian Umrandairy, la ioh ban tep bad pyndon burom noh mynta ka sngi, kata hadien ba kiba haiing hasem jong itei u khunlung, ki la hap ban iaid lyngba shibun ki jingeh, namar ka la don da kawei pat ka kynhun kaba dei na kajuh ka Balang, ki la kyntait ban ai jaka tep ia itei I khunlung hapoh utei u Lum Jingtep ka Balang.
Haba wad jingtip halor katei ka jingjia, la ioh jingtip ba itei u khunlung I la khlad mynha ka sngi Saitjain hapoh ka Bethany Hospital Shillong bad I la khlad ha ka por 4 baje ei ei janmiet, ha kaba naduh katei ka por ba I la khlad, kiba ha iing ki la rah sha ka shnong, na ka bynta ban pyndep bad ban pynkhuid noh ia ka met jong I, hynrei la mih shibun ki jyrwit jyrwat ban pyndep don burom ia katei ka metiap itei I khunlung.
Haba iadei bad katei ka jingjia, kiba ha iing jong itei i Khunlung ba dang shu kha, ki la pynpaw ia ka jingsngewkhia halor ki huri hura hapdeng ki para bangeit hapoh katei ka Balang Presbyterian Umrandairy bad kaba la poi syndon haduh u pud ba wat ia I khunlung ba dang shu kha, pynban la shah kyntait ban tep hapoh u Lum Jingtep ka Balang.
Ka nongrim kaba la pynsngewkhia eh ia kitei kiba haiing jong itei u khunglung, ka la ba wat tang ban tep ia ka metiap jong itei I khunlung, la hap ban hiar da ki heh Magistrate bad pulit, kiba la iakren halor katei ka jingbym iohtep itei I khunlung bad dei haduh ban da kut katei ka jingiakren, ki sa pyntip pat sha katei ka longiing da kaba phah da ka jingthoh sha katei ka iing, na ka bynta ban ioh tep ia itei I khunlung.
Haba pyrshang ban wad jingtip na u Rangbah shnong ka Umrandairy, u Bah L.M Bina, u la ong ba ka shnong, ki la pyrshang ban don ka jingsngew halor katei ka jingjia, hynrei katei ka longiing kaba la kynduh ia katei ka jingjia kaba sngewsih, hynrei ki la shu iohsngew ba katei kawei pat ka kynhun na kajuh ka balang, ka la khang ban tep ia itei khunlung bad namar katei ka jingkhang, la poi ka jingiakren shaduh ka thanad ha Umsning.
U la ong ruh ba kum u rangbah shnong, u la ai jingmut ia katei ka longiing ba kin tep noh hapoh u Lum Jingtep ka shnong, hynrei halor katei ka jingai jingmut ka shnong, katei ka longiing kaba la kynduh ia katei ka apot, ki la kyntait ia katei ka jingtyrwa ka shnong, namar ki kwah ban tep hapoh u lum jingtep ka shnong.
Namarkata, hadien katei ka jingkyntait da katei ka longiing, kum u rangbah shnong, nga la ai jingmut ia katei ka longiing ba lada ki kwah ban tep hapoh u Lum Jingtep balang, ba ki dei ban thoh da kawei ka shithi sha katei ka Balang, khnang ba ka shnong bad katei ka balang kin ioh ban iakren, u la bynrap.
Kumta hadien katei ka jingiakren, ka la don ka jingiamynjur lang hapdeng ki bor distrik, ki nongialam shnong bad kiwei, kiba la ailad ban tep noh ia itei I khunlung hapoh u Lum Jingtep ka Balang Presbyterian Umrandairy.
Wat pynmih khubor khlem datip bha ia kadaw ko Rupang. Man ki khubor jong phi nga iohi ba ki babun hi dei ki khubor ba shu pynmih khlem da tih bniah iaka jingshisha bad iaka daw bad kiba bun ki khubor jong u Rupang ki lah ban ialam bakla iaki nongpule
Kaba nyngkong shwa ban kren phi hap ban da tohkit bniah phi ruh mano ba phah? Ia kane ka khubor. Khlem da tip ia jingshisha ioh don da kiba phah pat hap rm ban pynmih . Ka pap ka sah ha ki ba phah
Na kane kein ka daw nga ong wat juh kylla niam kristan.Lada dei kane ka long iing ka long niam khasi kane ka jingjia kam ym jia kumne kaba sngewlehrain.Haka jingiap baroh u briew u long kumjuh hynrei phewse ka jia kumne pynban
Ka long kaba bakla ban shu pynksan bad iaroh da lade ia lade. Ym don ba lah ban ai syrnod da lade ia lade. Bad ka shu long kumta hi u briew u don la ki jingeh ha ka long briew manbriew, namar ka jingeh bad ki jingbakla ka dei hi kaba ju ia jan bad ka longbriew man briew.