New Delhi: Ka jaka trei kam ba heh duh jong ka Ashok Leyland, ha Chennai, ka la rai ban khang na ka bynta san sngi kynthih, ia ka karkhana jongka kaba ha bad katei kan sdang naduh mynta ka sngi.
Ha ka khubor hynnin ka sngi ka Leyland, ka pynbna ban khang ia kitei ki sngi trei kam jongka, na ka bynta san sngi bad kham mynshwa ha U Nailar 2019, ka Leyland, ka iathuh ba ka jinghiar jong ka jingdie kali jongka, ka la poi sha ka 50 percent lane kaba long 8,296 unit.
Na ka liang ka Maruti ruh, ka la pynbna, ba kan sangeh trei kam na ka bynta ar sngi kynthih, ha 7 bad 9tarik Nailur 2019.
Ka Maruti Suzuki India, kaba mad ia ka jinghiar jong ka iew jongka, kaba la palat liam, kaba long haduh 33.99 per cent ha U Nailar bad kane ka dei kaba la bteng haduh hynniew bnai kynthih, ia katei ka kompeni, ba kan hiar ka jing pynmih kali jongka.
Ka Maruti, ka pynmih kali tang 1,11,370 tylli ha U Nailar mynta u snem, katba ha u snem ba ladep jong utei u juh u bnai, ka pynmih 1,68,725 tyli. Ka jingdie kali ha u bnai ba ladep, ka long 1,10,214, na kaba long 1,66,161 ha u nailar 2018, ha kaba ka jinghiar ka long 33.67 per cent.
Phi don ban ong eiei?