Shillong 13 Jylliew: Ka Hynniewtrep Youth Council (HYC) Mawthawpdah mynta ka sngi ka 13 tarik u Jylliew 2024,ka la leit ban iakynduh ia ka myntri ba dei peit ia ka koit ka khiah ka kong Ampareen Lyngdoh , ban pynsngew ia ka jingduna ki nongtrei ha ka PHC Mawthawpdah.
Ha ka jingiakren bad li lad pathai khubor u president ka HYC Mawthawpdah area u bah Boniface Shangpliang u la ong, ba ka ba nyngkong kadei, ha ka ba iadei bad ka jingduna doktor namar haduh mynta katei ka PHC ka don tang i wei i doktor MBBS bad i wei i doktor ayus i ba dei contract. Ka bynta ka baar kadei ban pynsngew ia ka jingduna ki staff nurse namar la don tang iwei i ba long permanent.
ka seng ka ioh ban iakren ruh halor ka jingdon ka sub centre hynrei kim pat don ia ka light , ka um , kim pat don ia ka lynti ban leit bad ki ja ka sah jong ki nurse bad ka ba khatduh ka seng ka ioh ban iakren halor ban pynbiang noh ia ki oxygen.
Ka seng ka la iathuh, ba nakaliang ka kong Ampareen ka la ong, ba kan sa leit ban hiar hi dalade ban leit peit ia ki jingduna ha katei ka PHC.
Kum ban shu kdew hangne, ba ka jingpeit jong katei ka PHC ka jingbun bun paid kalong haduh 30,494 ngut bad ki shnong ki ba kynthup ha kane ka PHC ki long 74 tylli bad ki 6 tylli ki Sub-centre .
Phi don ban ong eiei?