Ba duna bording, wad ka sorkar da kiwei pat ki lad

Shillong, 6 Jymmang:
Namar ba ka jylla Meghalaya ka la iakynduh ia ka jingkyrduh bording kaba jur bha ha kane ka jylla, ka la pynlong ia ka sorkar ba kan phaikhmat ban pyndonkam noh da kiwei ki lad pynmih bor ding kum na ka sngi, ka lyer bad ki sboh.
U Additional chief secretary ka jylla uba peit ia ka tnad bording u BK Dev Varma u la lum ia ki heh ka tnad Meghalaya Non-Conventional & Rural Development Agency (MNC&RDA) dang shen ban iakren halor kane ka bynta.
Ka sorkar ka la don ka jingthmu ban iakren bad ki bank ban ai jing kyrshan pisa na ka bynta kane ka jingthmu ban tan bording noh na kiwei ki lad ym tang ban pynleit jingmut na ka um.
Ka jingiakren kan long ba ki nongtrei sorkar ki dei ban shim ban mih shakhmat ban shim ia kane ka skhim ban ai ka sorkar ban pyndonkam da ki light sngi, bad ka light ban shna na ka sboh.
Kumba long mynta, ka sorkar ka thmu ban tan light na ka sngi namar ba kan long kaba kham suk, bad kham tad ka dor ia ki paidbah ba pyndonkam.
Ka sorkar India ruh ka la ai jingiarap haduh 90 percent ia ka sorkar jylla ba kan pyntreikam ia kane ka skhim.” ka sorkar jylla kan shu siew tang 10 percent ban pyntreikam ia kane ka bor jingshai na ka sngi ha man

ki ophis sorkar”.
Ia mynta kane ka jingthmu ka la iaid ha baroh ki hynniew tylli ki district ka jylla ban buh da ka bor jingshai na ka sngi ha baroh ki ophis jong ki duputy commissioner.
Ym tang katta, ka la don ka jingtyrwa ban buh ruh ha baroh ki Civil Hospital, Community Health Centers (CHCs) bad Primary Health Centers (PHCs) ha ka jylla da ka light sngi.