Ba duh tiket, mih madan u Bah Lapang na Jirang

Shillong, 5 Rymphang:
Hadien ba la duh tiket na ka Congress, u president ka Jirang Block Youth Congress Committee u Bah Albertus Lapang u la rai ban iakhun kum u kyrtong shimet.
San ngut ki nongpan tiket na Congress na Jirang constituency. U Bah Lapang uba dei u president ka Jirang Block Youth Congress Committee, u MDC ba mynta Bah Artist Rani, Bah Comfort Doloi, Bah William Mynsong bad u Bah Victor Rani. Hynrei ka Congress ka ai ia u Bah Rani uba don ka jingiajan bad u MLA ka thain u Bah Lambok Mylliemngap.
“Ka jingrai jong nga ban iakhun la shim ha ka jingbymhun hapdeng ki nongialam ka party ia ka rukom ai tiket ia u briew ha kane ka kynti, la ong u Bah Lapang.
U la pynpaw ia ka jingsngewsih ia ka rukom ai tiket ka party ia u briew u bym dei satia u dkhot jong ka party Congress.