Ba duh 111 tylli ki shnong, thang dulir India-Bangladesh ka AASU

Guwahati, 12 Nailar:
Ka seng samla pule ka All Assam Students Union (AASU) ka la thang ia ki dulir ia the ka India bad Bangladesh kaba la soi da u Myntri Rangbah Duh ka Ri u Dr.Mammohon Singh ha ka Nailur jong ka snem ba la dep. Kane ka dulir ka dei ba la iateh hapdeng ka Ri-India bad Bangladesh kum ka jingia ai bad ka jing ia shim ban ia pynbeit pud pynbeit sam.
Katkum katei ka dulir ka India kan duh ia 111 tylli ki shnong ka Assam katba kan ioh pat tang 51 tylli. Ka AASU ka la pyrshah jur ia katei ka jingiateh da kaba thang shisyndon ia katei ka dulir iateh. U Tapan Gogoi General secratary jong ka AASU u la ong ba ki seng bhalang ha Assam ki pyrshah jur bad kin ym ailad ba ki 111 tylli ki shnong ka Assam kin leit sha ka Ri Bangladesh.
Lah ban pynkyn maw ba ia katei ka Bill ka sorkar ka la wanrah myn ta ka sngi ha ka Ing Dorbar ka Rajya Sabha hynrei u MP jong ka AGP u Biren Baishya bad Kumar Deepak Das la knieh bad tar ia kane ka Bill hapoh iing dorbar.