Ba don jingthut, yn khang shipor ia ka jingkieng nar ha Dwar Ksuid

Nongpoh: Ka District Magistrate, Ri Bhoi District Nongpoh, ka la pynjari da ka kyndon ain 144 Cr.P.C hapoh ka Jingkieng Dwarksuid bad kaba la maham pyrshah ba baroh ki kali kim dei ban iaid lyngba ka Jingkieng nar kaba don ha Dwarksuid ha surok (Shillong Bye-Pass) bad kaba hap ha shnong Umroi.

Katei ka ain kaba la khang pyrshah ba ki kali kim bit ban iaid lyngba katei ka Jingkieng kan treikam ha ka 14 bad 15 tarik mynta u Bnai. La pynjari ia katei ka kyndon Ain bad kaba la maham ban iaid ia kitei ki kali ban iaid lyngba katei ka Jingkieng ka dei namar ba la don ki jingthut kiba malu mala hapoh katei ka Jingkieng.