Ba don jingiaseng, kwah pynbha surok sha Nongjri Nonghyllam

Shillong, 3 Rymphang:
Ki paidbah nong shongshnong jong ka thaiñ Borsohra-Nong hyllam bad Nongjri bad kiwei kiwei, ha ka jing kyrpad ïa u Minister ka PWD, u Bah Sngewbha lang Dhar, ki la kyntu jur ïa u ban bthah ïa ka PWD ba kan pynstet ban pynbha ïa ka surok na Lailad-Borsohra sha Nonghyl lam-Nongjri Kulang namar kan don ka jingïaseng Presbytery Rangthong ha ka 14,15 bad 16 tarik mynta u bnai ha Nongjri.
Ki paidbah ki la kyntu kumne namarba ka surok ha kane ka thaiñ ka sniew palat bad ka wan ka leit ki paidbah ka shitom haduh katta katta.
Na ka Synjuk ki Rangbah shnong jong kane ka thaiñ ruh, ki la kyntu jur ïa u Minister bad ïa ki Injiniar kiba dei khmih ïa ki surok ha kane ka thaiñ. Kum ban shu kdew, ki surok ha kane ka thaiñ ki long kiba sniew tam ha ka jylla bad wat ha Ri India ruh.