Ba dawa weng pulit, yn leit buh da ki syntiew ha Secreteriat

Shillong:Ka seng Hynniewtrep Integrated Territorial Organization(HITO), ka la pynbna ba kan leit buh syntiew ha khmat ka khyrdop Secretatiat kum shi bynta ban dawa na ka sorkar MDA ban sospen noh ia ki 2 ngut ki pulit kata u bah Simsang ba dei ruh u inspector bad ia u Aiban Lyngdoh, uba khynñiat ia ki khyn nah bad ia kito ki nonghikai kynthei.

Ia kane ka jingleit buh syntiew, ka dei ha ka 14 tarik mynta u bnai bad kan sdang ia ka jingiaid paitbah ha ka por 11 baje ka ban sdang naduh u Mot Kiang Nangbah haduh khyrdop Secreratiat. Kane ka jingleit buh syntiew jong ka seng, ka dei halor shibynta ban pyrshah ia ka jingshah kawang, da ki tear gas ha ka por ba iakhih ki nonghikai, wat la hapdeng ka jingdon jongki kynthei ba armet bad ki khyllung khynnah kiba wan synran lang ia la ki jongki kmie ki kpa, la ong u bah Donbok Dkhar.

Ha ka jingiakren bad ki lad pathai khubor, U President bah Donbok, ula ong ba halor ka jingleh kuman jongka sorkar ban sospen ia kito ki arngut ki pulit ba donkti ban kawang tear gas ia ki khyllung khynnah bad ula ong “Kat bym pat sospen ia kito ki pulit ka seng kan iaid beit ia ka jingiakhih shakhmat kan pyni ruh da ki kam ba phi la ai da u kuli ia ki paitbah ngi ruh ngin leitbuh noh da ki syntiew ha khmat secretariat ba kine kin kylla bamut noh” ong u bah Donbok.

Kane ka dei tang ka jingiakhih kaba jaijai bad kane ka dei na ka bynta ki khynnah, namar kaei ka ban jia ia kito ki khynnah ba lada jur u tiar pynsat khmat.
Lada ka sorkar kam sospen ia kine ki pulit arngut, ka jingleit buh ia ki syntiew ha khmat Secreteriat kan long beit man ka sngi tad haduh ba ka sorkar kan sngew lehraiñ. Ka Democracy ka dei “By the People and of The People” hynrei ha kane ka sorkar MDA ka Democracy, ka lah kylla “By the Politician for the Community and for the Religion”. Ka seng kam kwah ba kane kan rung bad ki paitbah ki dei ban mih bad dei ki paitbah ki ban hikai ia kitei kiba dang pass ia ka klas 10,11 bad klas 12, ba kaei kata ka Democracy khnang ba kitei kiba shong ha Secretariat kin sngewthuh, la bynrap u bah Donbok.