Ba dawa khajna ka Income Tax, yn ai mukotduma ki kontrak

Shillong, 16’lyngkot:
Ka seng ki kontra ktor kiba don hapoh ka lama jong ka All Megha laya Contractor & Supplier Association, Shil long; ka la pynpaw ia ka jingsngewkhia halor ki jingeh ba ki kontraktor ki ia kynduh bad ka tnad khrong khajna ka sorkar ne ka Income Tax ( TDS), ha ka ban aplai ban ioh ia ki sertiphiket, ba kim bit ban shah oh khajna, na ka bynta ban ioh ia ki bai trei jong ki.
Katkum ka kyrwoh la iathuh ba ka Association ka la ju ia kynduh na ka por shaka por ia ki heh jong kane ka tnad kyn thup ia u Chief Commissioner, Ayakar Bha wan Guwahati, Joint Commi sioner Income Tax ( TDS), Shillong, ban ia kren halor kane ka jing eh, hynrei kam don kano kano ka jing seisoh, bad kam poi shaei shaei ruh.
Kumta na ka liang katei ka Association ka la shim da ka rai ban ialeh noh da ka mukotduma ia tnad khrong khajna ka sorkar ban lait syndon kane ka jingeh ban aplai ia ki Exemption Certificate, ki la ong ba katkum ka kyndon jong katei ka tnad ka Income Tax u/s 194 (c ) jong ka income tax act 1961, hapoh ka section 10(26) baroh ki kontraktor kiba dei ki riewlum kim donkam ban siew wat tang shi naia ruh ia ka khajna bad dei halor kane ka nongrim ba ka Association ka la rai ban ialeh katba lah ban ioh ia kane ka hok.
Ka Association ha ka kyrwoh ka kyrpad jur ia baroh ki kontraktor jong ka jylla kiba dei ki riewlum ba kin ia snoh kti lang bad ka Association khnang ba kan ialeh pyrshah, ia kane ka Jingeh, kaba ki ia kynduh na ka por sha ka por.