Ba dang ïai ban ka jingshitom, pyllait jamin noh ka Ïingbishar ia u Bah Julius Dorphang

Shillong: Ka ïingbishar jong ka Meghalaya High Court mynta ka sngi ka la pyllait jamin noh ia u Bah Julius K Dorphang, uba dei u MLA barim ka Mawhati Constituency.

Kane ka jingpyllait jamin ka ïingbishar ia u Bah Julius ka dei halor ka nongrim ba u don hapdeng ka met kaba shitom bad u donkam ia ka jingsumar kaba paka, bad ia kane ka jingpyllait jamin ia u la shim bishar da u Justice W. Diengdoh.

Kum ban shu pynkynmaw, ia u Bah Julius Dorphang, la kem na ka inter-state bus terminus (ISBT) kaba don ha nongbah Guwahati hadien ka jingphet rieh ka jong u na ka aiñ kumba 11 sngi.

Ia u Bah Julius K. Dorphang la kemnoh hadien ba u la donkti ha ka ban leh beijot ia kawei ka khynnah kaba 14 snem bad la pynngat ia u hapoh ka aiñ POCSO Act ha u snem 2017.