Ba byrthen ka Mawsynram ia ka FKJGP, pynrem ka KYRSIEW

Shillong,4 Iaiong:
Ka Khasi Youth Rural Social & Integrated of Economic Welfare (KYR SIEW) Mawsynram Area ka la pynrem halor ka jingbyrthen ka Shnong Mawsynram ia ka FKJGP, Mawsynram Circle kaba la dawa ban weng noh ia u Dr.Habamut Lyngdoh ka CHC,Mawsynram. Ka KYRSIEW ha ka kyrwoh ka la ong ba ka CHC, Mawsynram kam dei tang ka CHC jong ka shnong Mawsynram hynrei ka dei ka ong ki paidbah ka thain baroh kawei kiba hap hapoh ka jingpeit katei ka CHC.
Ka Seng ka kyntu ia kiwei pat ki nongkitkam Shnong jong ka Shnong Mawsynram kumjuh ruh ia ki Paitbah nong shong shnong bad khamtam eh iaki paitbah jong ka thain baroh kawei ba kim dei ban shah ialam bakla da lei lei ruh em halor ka jingleh jong ki katto katne ngut kiba pynthoh bria iaka shnong baroh kawei. Ka seng ka la kynnoh ba kane baroh ka dei tang ka jing iashah shiliang jongki katto katne ki nongkitkam shnong ia utei u doktor ym baroh bad ki pynlong langknia pat ia u paidbah bapli u babun u bymtip eiei ruh em.ki ruh kum ka seng kaba trei mon sngewbha hapoh ka thain lila ioh pdiang shibun ki jingujor pyrshah ia utei u doctor ha kaba iadei bad ka jingleh jong u hynrei ki tip shai ba na kaliang ka Seng FKJGP kala iaid sha khmat iaka kam hynrei ki ai pat iaka jingiatreilang.
“Shano ka shnong Mawsynram ka jah ha ki por ba khih win u khaw rashon bad shano ka shnong Mawsynram kajah haki por bymdon doctor ka CHC bad shano ka shnong mawsynram ka jah ha kapor ba ki dkhar ki wanleh puja hapoh ka krem Mawjymbuin bad bun bah kiwei kiwei kiba la dep jia kiba ki iohi tyngkrein kum ki briew kiba nabar shnong, ka Shnong haka jingshisha kala dei ban tuklar hynrei ka sngap jar jar” ong ka kyrwoh.
Ka Seng ka la kyntu ruh ba kum ki nongkitkam shnong kim dei ban shu tynrah matlah khlem da pyrkhat bad khlem da tip ia ki jingshisha kum ki riewrangbah dei ban da pyrkhat sani bha ha shuwa ban shim ia kano kano ka rai namar ioh ba ka ktah ia u ba bun ba lang. Ka jingshimrai jongka Seng FKJGP ka dei ka rai rangbah bad ka dei namar kum ka seng ki ngeit skhem ba ka iohi iaka jingeh jongki paitbah haka thain baroh kawei. Ka Mawsynram CHC kamdei tang ia u nong shong shnong hapoh Mawsynram hynrei kadei naka bynta ia baroh ki shnong kiba hap hapoh ka Block baroh kawei don bun ki shnong kiba katei ka CHC ka peit ym tang iaka Mawsynram.
Na ka liang ka KYRSIEW k ala pynpaw ba ka ai ka jingkyrshan kaba pura iaka Seng FKJGP Mawsynram Circle namar haka thain hi baroh kawei bad ka la ong ba dei tang kane ka Seng kaba khlainbor bad treikam bha,’ym dei tang ban shu rah skong ia ka FKJGP hynrei ngi da iohi ruh iaki matti treikam jongka,dei tang u

Paidbah u ba iakynduh iaki kam uta uba sngewthuh.Ka FKJGP Mawsynram Circle kam dei tang ia ka Shnong Mawsynram ka dei na ka bynta jong ngi ki shnong ki dong ba marjan jongka baroh kawei’ ong biang ka kyrwoh.
Ka Seng ka ai mynsiem ia ki Nongkitkam jongka FKJGP ba kim dei ban kynran dien noh halor kane ka kam.Lada ka Shnong Mawsynram ka ai NOC ia ki doktor ban buh iaka Private clinic hapoh ka CHC te kan dang myntoi aiu shuh iaka sorkar ba kan khih kan ksar ban pynbiang iaki jingduna hapoh ka CHC namar ki tip shai ba katei ka CHC kadei ban treikam beit baroh 24 kynta.