Ba byrngem ka GNLA, rem ka Congress ha MP, ong u Mukul

Shillong, 11 Jylliew:
U Myntri Rangbah ka jylla u Dr Mukul Sang ma u la ong ba ka jing byrngem jong ka GNLA ia ki nongialam ka Congress ha ka por elekshon ha Garo Hills ka la pyn long ia ka party ban shah rem ha kane ka elekshon MP ba dang shu dep.
“Ha ka por elekshon, ki la byrngem ia ki nong ialam ka Congress bad kane ka la ktah ia ka party ha ka elekshon”, la ong u Sangma haba jubab ha ka jingiatainia ha ka dorbar mang tyngka mynta ka sngi Balang ha iing dorbar.
Ha ka por ba ka mih ka khubor ba ka sorkar kam thung ia ki ksiang ban iakren bad namar kane, ki GNLA ki la byrngem ia ki nongtrei ka Congress ba kin pynbam da u kuli.
U la ong ba ka seng ka la ong ba lada ka Congress party kam pynshai halor kane, ki nongialam jongka kin shah pynbam da u kuli ka jingiap.
“Kham hadien la pyntip ia nga ba ki nongtrei ka party shaphang kane ka jingmih khubor ba byrngem ka GNLA la sam sha ki paidbah. Kane ka pyni ba ka don ka jingiadei badno bad no kane ka seng”, la ong u Mukul.