Ba buaid jaw sheh u nongniah, jynrat ia ar ki kali ha Jaiaw

Shillong, 3 Nailur:
Namar ka jingtrei u khaw iang ia u nongniah kawei ka Swift Desire (ML-05 J-9868) ka la poi sha ka jingleit tynrah ia ar tylli ki kali ba ieng ha surok hynne ka sngi Hatmajai ha ka por 1 baje ei ei ha Jaiaw Robert.
Na ka jingshah tyn rah ha katei ka Swift, kawei ka Maruti (ML-05 C-5200 ) kaba iaid na khmat ka la leit tynrah kylla sa ia ka Alto (ML-05 G- 0744). Baroh ar ngut ki nongniah ki rah mynsiem ym tip briew shuh na ka jingkyndit.
La kynnoh ba ka jingjia ka dei namar u nongniah katei ka tourist taksi (Swift) uba kyrteng u Freddy Rynjah u la pynher sted ha ka jingbuaid jawsheh bad um shym la lah shuh ban teh lakam ia u stering bad ia ka brake.
Ha kane ka jingjia, la don kiba mynsaw. Kawei ka longkmie ka la mong na ki bynta jong ki khohwah ba ka shong ha ka kali ba shah tynrah bad kawei ka samla ba na Nongstoin kaba ap nongpang ha Robert Hospital kaba dang thmu ban leit thied sha ka la shah pyndei ha katei ka kali na ki bynta jong kamet, ha kaba ka la pang.
U nongniah katei ka kali ba tynrah u Freddy hadien ba u la kham kyndit bynriew na ka jingiasait nia bad kiba la shah tynrah, u la iathuh ba u dang shu wan kamai na Guwahati bad u thmu ban leit sha iing kaba u sah ha Jaiaw Langsning, hynrei naka daw jong ka jingbymbat jong ka brake u la kum tynrah.
Ki pulit kiba wan poi hadien shiteng kynta, ki la rah noh ia ki sha thanad kaba don ha Lumdiengjri PS ha ka ban pyndep ia ka jingtohkit baroh.