Ba ai um ka PHE tang 15 minit, ujor u MDC sha u DC

Shillong,4 Jymmang:
Namar ka jingkyrduh kaba khraw ha ka shnong Ladthalaboh, Jowai , u MDC jong ka u Ma Marki Mulieh u la leit ban ujor sha u Deputy Commissioner ka West Jaintia Hills u ma P.S Dkhar. U MDC u la kynnoh ba ka tnad PHE ka la khein riewkai

ia ki rangbah katei ka dong namar mynta la hynriew snem haba haba ki leit mih sha katei ka tnad ban ujor um ka jubab ba ki ioh na ki ka long beit ‘iai shah haduh ban da dep , ka Umngot Water Supply’ bad ki ju ong ruh ba sa tang hynriew sbnai ban dep.
Ka daw sba la pynlong ia utei u MDC ban leit ujor sha u DC ka dei namarba ka shnong Ladthalaboh ka la poi haduh u pud ba ka ioh um tang 15 minit ha ka por mynstep, u Ma Mulieh ryngkat ki nongialam dong ki la kynnoh ba ki ju ioh um tang ha kip or 7 haduh 8 baje kata ruh tang 15-20 minit mynstep bad kata ruh bun ki por ba ka um kaba mih ka dei ka bym khuid, teng teng kaba jngut bad teng teng kaba saw.
Shuh shuh ki la kynnoh ba haba ki leit sha ka tnad PHE ban dawa ba dei ban maramot noh ia ki pipe um , ka jubab pynban bay m don scheme ban maramot pipe um, iathuh kitei ki rangbah, kitei ki rangbah ki la dawa baka PHE ka dei ban pynbiang um na ka shi kynta sha ka ar kynta mynstep bad shi kynta mynmiet.