Shillong: Ka Joint Action Commitee na Sohra ka la byrngem tyngeh ia ki nongpyniaid ka Comunity Health Center Ichmati halor ka jing ai ia ka birth certificate ia ki bar jylla ki ba sah ha ki tei ki thain.
Ha ka jing ia kren bad ki lad pathai khubor, u bah R.Labourstarwell Nongrum u la iathuh ba ha ki snem ki ba la dep ka la don ruh ka jingiakhih pyrshah ia ki nongpyniaid ka CHC ha Ichamati, ha ka ba ka la shu ai ia ki Birth Certificate ia ki bar jylla ba ki sah ha kitei ki thain ban pyntikna ba ki dei ki nongshong shnong katei ka thain bad ba kin ioh ban pynrung kyrteng ban thep vote.
U la iathuh ruh ba ha ki snem 2013 la don palat 1000 ngut ki bar jylla ki ba la ioh ka birth certificate na CHC Ichmati, ban pynrung kyrteng thep vote bad mynta kane ka la kiew palat ia ki 3000 ngut ki bar jylla kiba la ioh ia ka birth certificate ban pynrung kyrteng thep vote ha katei ka thain.
Na ka liang ka JAC Sohra ki la maham tyngeh ia ki nongpyniaid ka CHC ha Ichamati ba kim dei ban ai shuh ia kine ki birth Certificate ha ki bar jylla bad lada ki lap kin sa pynshitom ia kine ki briew ki ba pyllait ia ki ne ki birth certificate.
Phi don ban ong eiei?