Article 371, kwah jingshai ka UDP na ka HSPDP

Shillong, 20 Nailur:
Ka UDP Youth Wing lyngba ka kyrwoh khubor ba la phah da u Rayonald Kharkamni Chief Youth Organiser ka la ong ba kam shai halor ka jingkwah ka HSPDP ban wanrah ia ka Article 371 hapoh kane ka jylla namarba katei ka seng kam shym la pynshai paidbah. Ka kyrwoh ka la ong ba ka 6th Schedule ka la pynkupbor ia ki jaitbynriew rit paid hynrei ym pat shym la lah thikna ban pyntreikam ia ka ruh bad ka kwah jingshai na ka seng HSPDP ka kwah ia ka jingpynkupbor kaba kumno na katei ka Article 371.
Katba ka kyrwoh khubor na u President ka HANM u bah Lamphrang Kharbani u la kyrshan ia ka Article 371 ba ka HSPDP ka kwah bad u la ong ba katei ka article 371 kan pynskhem ia ka hok longtrai ha ka khyndew ka shyiap, ki khlaw ki btap, synshar khadar bad u la ong ruh ba lada ki jylla kum ka Nagaland, Mizoram, Assam, Manipur ki ioh balei kane ka jylla jong ngi kam ioh, u la ong ba ka HANM kan kyrshan radbah ia ka HSPDP na bynta ka bit ka biang ka jaitbynriew.