Artatien ka elekshon MDC, da ki constituency thymmai

Shillong, 16 Nohprah:
Ka jingthmu ban pynlong elekshon MDC da ka constituency thym mai jong ki Autonomous District Council ka dang long artatien bha.
Ia mynta, kam pat long shai la ka elekshon kan long da ki constituency thymmei ne em”, la ong ka khubor sorkar ha kane ka sngi Nyng kong.
Katkum ka thymmei khubor sorkar, la iathuh ba bun jait hap leh hadien ba u Lat u Dr KK Paul un pdiang ia ka jingphiah constituency thymmai jong ki ADC.
“Ka jingpynkhreh kaba kham kongsan ka long ban pynbeit ia ki kyrteng da ki Deputy Commissioner katkum ki constituency thymmai. Kane kan dei ka kam kaba eh bha namar ba tang hapoh ar bnai, kam dei kaba suk”, la ong ka thymmei khubor.
Haduh mynta ka JHADC bad ka KHADC ki la pyntip ba la dep ban pynbiang ia ki jingdonkam ban phiah constituency katkum ka jingbthah jong u Lat.
“Ka GHADC kam pyntip eiei la ki la dep ne em ban shna thymmai ia ki constituency” la ong ka thymmei khubor.
Nalor kane, ia ki Bill ba la pdiang da ka ADC kin hap leit shwa ha ka miej jong u myntri ka tnad District Council Affairs u Bah HDR Lyngdoh bad u Myntri Rangbah u Mukul Sangma shwa ban ai sha u Lat ban pdiang.
“Kane ka rukom kan shim por katto katne’, la ong ka thymmei khubor. Ha kajuh ka por, ka khubor ka la iathuh ba ia ka tarik jong ka elekshon MDC yn sa shong jingialang shwa ka kynhun myntri.
“Ka elekshon kan sa long ha u Rymphang ban wan la shem snem”, la ong ka khubor sorkar.