Artaiew shwa ba un khlad, 2 ngut ki pulit khasi ki la byrngem pyniap ia u bah Che,iathuh u para

Shillong 13 Nailar: U bah Granery u ba dei u para jong u bah Cheristerfield thangkhiew u la iathuh, ba ki don ar ngut ki pulit khasi ki ba la byrngem ban pyniap ia u hynmen jong u hapoh ka artaiew bad kane ka la jia shisha ba hapoh artaiew ki lehnoh sorkar ki la wan ban pyniap dusmon ia u bah Che.

Ia kane u bah Granery u la pynpaw mynta ka sngi baar ka 13 tarik nailar 2024 ha u lum jingtep ha Lawmali, ka ba dei ka sngi leh burom jong ka lyngkhuh sngi iap ba lai snem jong u bah Che.

U bah Granery u la ong, ba u la dep ithuh ia kito ki ar ngut ki pulit khasi ki ba byrngem ban pyniap ia u bah Che bad kumta u la khot ba kin wan ban iakren bad ka iing kasem khnang ban ia sngewthuh lym kumta ngim tip kaei ka ban sa jia bad ngim lah ban bah khlieh.

Lada jin ba u hynmen jong nga u khlad ha ka thma  ngam da sngew eiei namar ha ka thma katha kloi ban, hynrei ban shu wan beit kumto ban siat ia u briew uba la shongthaid ruh na ka seng HNLC, pynban ki wan shim kabu da ka ba wan siat ha jingthiah.

“Ym tang katta u bah Granery u la kyrpad ruh ia u nongsiat iap ia u bah Che, ba sngewbha mih shakhmat ban iathuh ia ka jingshisha”, ba mano ba phah siat ia u bah Che.

Haba kyrtiangdien ia ki snem ba u bah Che u dangdon bad ka seng u bah Granery u la ong, ba um ju don ka jingtieng ne syir mynsiem haba u wan sha ka jylla bad u long beit kum ki paidbah ki ba iaid ba ieng man ka sngi ym kum u dkhot ka seng HNLC bad man kapor u ju wan ban jngoh ia ka iingkasem ha Mawlai.

Shuh shuh u bah Granery u la pynpaw, ba naduh ba kha ia i bad haduh ba in da khlad noh  ha ka rta ba 54 snem, lai pawa ka mynsiem jong i bah che ka don sha ka jaitbynriew namar ba naduh ka karta ba 17 snem u bah Che u la shakri noh na ka bynta ka ri bad ka jaitbynriew bad haduh ba un da khlad kalong ba u la shakri hasuh 37 snem ia ka jaitbynriew.