Arngut ki KSU Lawsohtun, ha Williamnagar, ba ngat MPDA

Shillong,10K’lyngkot:
Ar ngut ki nongia lam jong ka KSU kiba la shah kem ha ka 29 tarik u Naiwieng 2013, namar ka jingkynnoh ba ki dei kiba la donkti ha ka ban ka wang petrol Bomb ha ka dukan sha jong u Bishesh war Das ha Bishnupur bad uba la iap noh na ka jingmynsaw jur; ki la shah pyngngat hapoh ka kyndon ain MPDA bad kitei baroh ar ngut mynta ki don hapoh William nagar District Jail. Kitei ki ar ngut ki nongialam ka KSU kiba la shah pyngnat MPDA ki dei kiba la tip kyrteng kum u Johny Sohkhlet, President , KSU, Lawsohtun Unit bad u Readyon Stone Nongrum uba ki khot ieid u Hep, uba long ruh u General Secretary of KSU, Lawsohtun Unit.
Ka tyllong khubor na ki pulit ka la iathuh ba la pynngat ia kitei ki ar ngut hapoh ka kyndon ain MPDA, ka dei hadien ba ki pulit ki la shem ba ki dei shisha ki briew kiba la donkti ha katei ka kam bad ki pulit ki la kam ba ki la dep ban pynshisha halor ka jingdonkti kitei ki ar ngut ban kawang petrol Bomb ha ka dukan sha u Das.
Shuh shuh la ioh jingtip ba haduh 66 tylli ki case la rejistar tang ia U Assistant information and Publicity Secretary u Reginald Ronald Thabah marwei ha kylleng ki Police station, utei u nongialam jong ka seng FKJGP, u dei uba la shah pyn ngat ha ki kyndon ain MPDA bad ula shah set ha Williamnagar District Jail.